رد: يوميات فتاه جامعيه.............متجدد

من طرف مسلمه مصريه ولى الفخر 3/3/2008, 11:54 am

د.منه كتب:هههههههههههههههههههههههههه
اضحك الله سنك وقلبك
وفرج همك واستجاب دعوتك
وجعل كل صحبتك صالحة
ثابتة على الحق
باذن الله
وابعد عنك العاصيات ان لم يرجعن الى الالتزام

الله يا منه
ربنا يكرمك يا رب
والله احلى دعوات اتقالتلى من زمان قوىىىىىىىى
جزاك الله خيرا

من طرف مسلمه مصريه ولى الفخر 3/3/2008, 12:28 pm

السلام عليكم ورحمه الله وبركاته
ايه اخباركم يا بنوتات
بخير صح.........طيب ما انا عارفه انكم بخير
وحشانى والله
ربنا يبارك فيكم
مش هطول عليكم بقى
وهسيبكم مع اليوميات
يوميات 4
زى كل يوم
قمت روحت الكليه
قايمه على اخرى ومخنوقه
مش ناقصه الكليه دى كمان
المهم نزلت وروحت
ركبت المواصله
ياااااااااااااادى القرف ربنا وعدنى بسواق
يا ستيررررررر يا رب
ماشى سلحفه ماشيه مش عربيه
والناس على الصبح الى عايز يلحق شغله والى عايز يلحق كليته
يا رب سهلها
السواق ماشى تاتا.....تاتا........لا ده بيحبى لسه
الشاب: الى قاعد فى الكرسى الى ورايا ياعم الاوسطى ربنا يكرمك سرع شويه عندنا شغل
السواق: حاضر يا عم مستعجل على ايه الصبر جميل
الشاب :اللهم اجعلنا من الصابرين
والست الى حنبى عماله تنام على نفسها
وانا كل شويه يا امى هو حضرتك نازله فين
تقولى ربنا يخليكى يا بنتى انك صحتينى
انا نازله فى الاخر خالص
فى سرى طالما فى الاخر كملى نوم هتوصلى على السنه الجايه بأذن الله
المهم وصلت .............. الحمد لله يا رب
لو كان يجوز اسجد فى الشارع كنت سجدت سجده شكر لله على سلامه الوصول
روحت وطبعا الجو برد موت
والبحر عمال يطس الهواء فى قفايه
ااااااااه يا قفايه
وانا بعد ما عدين النفق
وبقيت على الرصيف التانى معقوله الهواء مهداش ولسه زى ما هو
قولت يا بنت بدل ما تمشى الشارع ده كله
اختصريها من عند المكتبه
عارفين المكتبه طبعا
مكتبه الاسكندريه ......الى هيقول معرفهاش هديله على ........ولا بلاش الطيب احسن
المهم اختصرت الطريق وبعدى من عند المكتبه
ايه ده Shocked

ايه ده

يا خرابىىىىىىىىىىىىىىىىىى Shocked

الحقى بنتك يا امىىىىىىىىىىىىىىى Shocked

ايه البنات دى
بنت لبسه..........معلش متأسفه قصدى مش لابسه
بنت لبسه جيب شمواه قصير جدا
وعليه شراب شبك..............طيب ده لزمه ايه اصله مش مدارى حاجه كله باين
وعليه شوز صغنون عارفين بتوزع الباليه والشوزات بتاعتهم
اهى كانت لبسه واحد منهم وبدى شيك اوى عندى واحد شبه بلبسه تحت التونك الى بلبسه تحت الجلباب
ههههههههههههههههههههههه
والى كان فرسنى ومعصبنى انها لبسه طرحه من فوق الطرح الصغنونه دى
المهم انا ماشيه وبقول انا شكلى تعبانه ولا ايه
يا اما الجو برد جدا يا اما انا بيتهيألى
يا ربى شكلى عيانه
يا عينى يا ختى على شبابك الى راح هدر
بيتهيألك ان الجو برد
وكأن ربى عايز يثبتلى ان حقا الجو برد
وهب هب
جاءت عاصفه مطيره اى حد ماشى فى الشارع
ههههههههههههههههههه
اللغه العربيه تمام
هههههههههههههههههههههههه
المهم جت شويه هواء فى التمام رجعنى السكه الى انا مشتها كلها
المشكله ان كان فى شباب ماشين فى الطريق
وعنيهم طبعا كشفات على الانسه الى ماشيه
يانهاااااااااااااااااااااااااااااااااار ابيض affraid

ايه يا ولالالالالاد ده
يا خرابىىىىىىىىىىى يختى
الجيبه طارت
حد يلحقنا يا ناااااااااااااس
اقسم بالله الجيبه طارت والبنت ولا اتحركت ولا كان حاجه حصلت ولا حطت ايديها حتى على الجيبه تنزلها
اه اصلها كانت لبسه شورت تحت لونه روز
ههههههههههههههههههههه
اصلى بصيت
ههههههههههههههههههههههه
فالشورت مش هيبين جسمها............... اصله مفيش فرق بين الشورت والجيبه
الاتنين ولاد عم
والاقى شاب من الى ماشين فى الطريق
حلووووووووووووووووتك يا بمبى
ايوه يا عم
ليلتنا حمراء ان شاء الله
وانا فى سرى انا عارفه اليوم باين من صبحيته
استرها علينا يا رب
يا رب اليوم يمر على خير
دخلت الكليه وطبعا كالعاده روحت قعدت فى بنش بعيد عن الولاد
ببص بعينى كده
لقيت ولد واقف يتكلم مع البنت
انا فى سرى يا ناس بقى ارحمونا واتقوا الله فى نفسكم
وعمالين كركر مرمر وضحك وهزار وزق وضرب
علاقه بريئه يا ناااااس خليكم مودرن
بطلوا تخلف وتعقيد بقى
خلونا نتقدم ونتطور
المهم الهزار عمال يزيد ويزيد
راح الولد وهو بيهزر راح ضرب البنت فى صدرها
يا خررررررررررررابى
هتشل يا نااااااااااس
هيجيلى جلطه
همووووووووووووووووت
المهم الدكتور دخل
وكل واحد استقر فى مكانه
والمحاضرات خلصت
خرجت اركب
السواق واقف فى الموقف عمال ينادى
المهم لقيت مواصله توصلنى لبينتا
الحمد لله يا رب
العربيه حملت
والسواق ركب
وماشى
لسه بيقول بسم الله.............درب ايده على الكاسيت
وشغل اغانى..............لا حول ولا قوه الا بالله
طلعت mp3 بتاعى عليه قرآن بينفعنى والله فى الزنقات دى
حطيته فى ودنى وشغلته
وطبعا مستمتعه بالقرآن
والسواق كأنه راكب طياره
يا ربى هو يا اما سلحفه يا طياره
مفيش وسط
قولت الشهاده................محدش يضمن
والسواق شغال عمال يحود ويفرمل.............شكله مفكر نفسه بيلعب فى بلاى ستيشن
يا عم الحج فى سرى طبعا
ربنا يستر علينا وعليك انت محمل بنى ادمين بشر يعنى ..............والله مش كارتين بيض
المهم وصلت قدام بيتنا
من علو الاغانى الى مشغلها
انا على جنب من فضلك...............على جنب................على جنبببببببببببببببببببببببب
فى حد نازل...............ايوه على جنب من فضلك
اتفضلى .................نزلنى بعد بيتنا بشارع
حسبى الله ونعم الوكيل
روحت من كثر المفاجأت فى اليوم ده نمت
وحسبى الله ونعم الوكيل
كفايه عليكم كده
منتظره مشاركتكم
وانتظروا اليوميات الجديده
وادعولى يا جماعه بالله عليكم
سلام عليكم

من طرف الشهد 3/3/2008, 12:46 pm

هههههههههههههههههههههههههههههههه
أسلوبك جميل جداا ودمك خفيف ماشاءالله
وانا قاعدة اخواتى بعد شوية هيقولوا عليا ايه الهبلة دى من كتر الضحك

والواحد بيحزن جدا من الفضايح اللى موجودة فى الشارع بجد
ربنا يرحمنا
اللهم اهد جميع شباب المسلمين وفتيات المسلمين

من طرف مسلمه مصريه ولى الفخر 3/3/2008, 12:53 pm

الشهد كتب:هههههههههههههههههههههههههههههههه
أسلوبك جميل جداا ودمك خفيف ماشاءالله
وانا قاعدة اخواتى بعد شوية هيقولوا عليا ايه الهبلة دى من كتر الضحك

والواحد بيحزن جدا من الفضايح اللى موجودة فى الشارع بجد
ربنا يرحمنا
اللهم اهد جميع شباب المسلمين وفتيات المسلمين

اللهم امين
ربنا يبارك فيكى يا شهود يا عسل
جزاكى الله خيرا على المشاركه الجميله
انى احبك فى الله

من طرف **طالبة الجنان** 3/3/2008, 7:40 pm

لا حول ولا قوه الا بالله
احزنتيني والله يا مسلمه
بجد ده الي بنخده من الكليه
حسبنا الله ونعم الوكيل
دا حاجه تقرف اوي
الواحد عينه بتتوجع من المناظر دي

هههههههههههههههه
امال ايه؟؟؟؟؟؟؟؟؟؟؟؟؟
دا انا كنت الاول لابسه عدسات والي يشوفي يقول ان البت دي نظرها سته علي سته
ماشاء الله
فانا بقي كل ما امشي الاقي مناظر لاتسر عدو ولا حبيبب

واقول استغفر الله
يا رب بقي ريحني من المناظر دي
عشان من انظر اليها
فايه بقي الي حصل؟؟؟؟؟؟؟؟؟؟

لقيت بقي يا ستي انتي وهيه عيني وجعاني اوي
والعدسات حمرت عنينا
انا قلت بقي دا الدعوه استجابت علي طول
ورحت كشفت ام الدكتور قال لي
ان العدسات دي هتبوظ عينكي
لو استمرتي عليها هتعميكي
قلت قدر الله ما شاء فعل
يييييييييييييييييييييييييييه هرجع للنظاره تاني
قلت بقي احسن عشان امشي وانا مش شايفه حاجه الا الارض
قلت بقي احسن الي انا هرتاج من المناظر دي

اول مرة بقي يا جماعة وانا ماشيه ومنزله البيشه
وكنت رجعه من المسجد مع واحده صحبتي

وكان المغرب بقي ادن
لقيت حاجه قدامي سواد في سواد
انا قلت بقي دي باين عليها واحده منتقبه
امال اروح عشان اسلم عليها

عارفين لقيتها ايه؟؟؟؟؟؟؟؟؟؟؟؟؟؟

لقيته حمار بعربيه كارو affraid

كان بقي منظري يضحك اوي
والي كانت معايا بدل ما تقول لي قعدت تضحك علي وتقول بعد ما الحمار هيدخل خلاص تقولي حسبي
قلت لها بجد جزاك الله خيرا
ومن يومها بقي يا جماعة لبست النظاره تاني

ورجعت لارف تاني
بس ارحم من دخولي في العربيه الكارو
ههههههههههههههههه
احبكن في الله
وانا زعلانه منكم اوي من قله مشاركتكم في المنتدي

من طرف مسلمه مصريه ولى الفخر 3/3/2008, 8:18 pm

طالبة الجنان كتب:
لا حول ولا قوه الا بالله
احزنتيني والله يا مسلمه
بجد ده الي بنخده من الكليه
حسبنا الله ونعم الوكيل
دا حاجه تقرف اوي
الواحد عينه بتتوجع من المناظر دي

هههههههههههههههه
امال ايه؟؟؟؟؟؟؟؟؟؟؟؟؟
دا انا كنت الاول لابسه عدسات والي يشوفي يقول ان البت دي نظرها سته علي سته
ماشاء الله
فانا بقي كل ما امشي الاقي مناظر لاتسر عدو ولا حبيبب

واقول استغفر الله
يا رب بقي ريحني من المناظر دي
عشان من انظر اليها
فايه بقي الي حصل؟؟؟؟؟؟؟؟؟؟

لقيت بقي يا ستي انتي وهيه عيني وجعاني اوي
والعدسات حمرت عنينا
انا قلت بقي دا الدعوه استجابت علي طول
ورحت كشفت ام الدكتور قال لي
ان العدسات دي هتبوظ عينكي
لو استمرتي عليها هتعميكي
قلت قدر الله ما شاء فعل
يييييييييييييييييييييييييييه هرجع للنظاره تاني
قلت بقي احسن عشان امشي وانا مش شايفه حاجه الا الارض
قلت بقي احسن الي انا هرتاج من المناظر دي

اول مرة بقي يا جماعة وانا ماشيه ومنزله البيشه
وكنت رجعه من المسجد مع واحده صحبتي

وكان المغرب بقي ادن
لقيت حاجه قدامي سواد في سواد
انا قلت بقي دي باين عليها واحده منتقبه
امال اروح عشان اسلم عليها

عارفين لقيتها ايه؟؟؟؟؟؟؟؟؟؟؟؟؟؟

لقيته حمار بعربيه كارو

كان بقي منظري يضحك اوي
والي كانت معايا بدل ما تقول لي قعدت تضحك علي وتقول بعد ما الحمار هيدخل خلاص تقولي حسبي
قلت لها بجد جزاك الله خيرا
ومن يومها بقي يا جماعة لبست النظاره تاني

ورجعت لارف تاني
بس ارحم من دخولي في العربيه الكارو
ههههههههههههههههه
احبكن في الله
وانا زعلانه منكم اوي من قله مشاركتكم في المنتدي

هههههههههههههههههههه
جزاك الل ه خيرا يا قمر
وحمد الله على سلامتك من الحمار
احبك فى الله

من طرف رقة وذوق 4/3/2008, 9:12 am

هههههههههههههههههه

حلوة يومياتكم

حقيقى بستمتع بيها

ومستنية جديدكم

واسال الله ان يهدى شباب وبنات المسلمين

وينعم عليهم بالستر والحياء

من طرف مسلمه مصريه ولى الفخر 4/3/2008, 1:06 pm

رقة وذوق كتب:هههههههههههههههههه

حلوة يومياتكم

حقيقى بستمتع بيها

ومستنية جديدكم

واسال الله ان يهدى شباب وبنات المسلمين

وينعم عليهم بالستر والحياء

اللهم امين
جزاكى الله خيرا على المرور الجميل

من طرف **طالبة الجنان** 6/3/2008, 3:39 pm

زيكم يا جماعة وحشتوني جدااااااااااااااااااااااااا
معلش بقي كنت مش بدخل عشان مكنش في نت
المهم انتم عاملين ايه

انا احبكم في ال
له
بصوا بقي علي الي الموقف الي حصل انهارده
انا بقي صحيت الصبح
وانا بقي مخنوقه عشان صاحيه بدري

وكمان عشان هروح الكليه

المهم بقي طلعت من البيت وركبت طفطف انتم عرفينه؟؟؟؟؟؟
ورحت الموقف ولقيت بقي مفيش ولا عربيه خالص
قولت لا حول ولاقوه الا بالله

هو انا نقصه مش كفايه راحه الكليه الصبح بدري كمان

المهم بقي فضلت وقفه
وانا بقي عملاه اتفرج علي الاخوات الي ماشين
والي كمان فيهم لابسين ومش لابسين
الي نسيوا يلبسوا زي الشيخ محمدحسان
ما بيقول
المهم لقيت عربيه بعد طول انتظار

وركبيت
يااااااااااه الحمد لله
المهم بقي كنت ركبه انا واخت وكان لسه مكانين ورا

فلقيت يختي انتي وهي واحد داخل
فبقول له لو سمحت راح علي فين

قال هقعد
قلت له لو سمحت المكان ده مش بيقعد فيه غير اربع اخوات
هتقعد انت فين
المهم بمعني اصح كسفته

ونزل
ولقيت بقي اختين جين وقعدوا جمبي
وقلت الحمد لله

والعربيه مشيت بقي
فانا بقي طلعت شريط بسرعة قبل ما السواق يتهف في دماغه ويشغل اغاني ولا حاجه

طلعت بقي شريط حلو اوي
بتاع الشيخ محمد حسان
الي اسمه
الا رسول الله
ياااااااااااااااه
ما اجمله
فاعطيت الشريط للي ادامي
وقلت له اعطيه للسواق يشغله
المهم وصل الشريط للسواق

عارفين بقي رد قال ايه
قال
التسجيل بايظ مش بيشتغل
قلت قدر الله ما شاء فعل
المهم مش يشغل اغاني
فقليت بقي يا اختي انتي وهي
واحد بيقول ملكوش دعوه انا هشغل لكم علي الموبايل
قلت ربنا يسترها
لقيت بقي مشغل

سورة الرحمن
قلت الحمد لله
ربنا يهديه
فقعدت بقي اسم السورة
وكانت بصوت حلو اوي
للشيخ السديس
وبعد شويه السورة خلصت
قلت استرها يا رب

وحطيت ايدي علي قلبي
ولقيته عمال يبحث
اصل هو كان قاعد ادامي
المهم قلت بقي هيشغل نشيد ولا خطبه ولا سورة تانيه
وفضلت انتظر بقي
لقيته ايه
مشغل اغنيه ومعليها علي الاخر

قلت لاحول ولاقوه الا بالله
حتي كل الي كان في المكرباص بص ليه
الي كان مشغل قران شغل اغاني
لا اله الا الله
المهم انا بقي اتخنقت
ومش قدرت استحمل خالص
قفلت له لو سمحت غير الاغاني
دي
قال لي اوطيها يعني
قلت له بصوت اما تطفيها
او تغيرها لو سمحت

لقيته شغل سورة الرحمن تاني
فااخ الي جمبه قال له تاني سورة الرحمن
قال له ايه يعني
عارفين قله ايه
قله بلاش التزمت ده
يا عم ساعة لربك وساعة لقلبك
انا بقي زعلت علي الكلمهدي اوي
الي هما مش فاهمين معناها
وطبعها مكنتش ينفع اقول لهم معناه الي انتم فهمينه غلط يا جماعه
مش يعني ساعة لقلبك يبقي انا اعصي بيها ربنا
ولاحول ولاقوه الا بالله
قلت امسكي لسانك جوه بقك يا بت
وربنا يهديهم

ايه رايكم بقي في الي حصل انهارده

ربنا يهدي شباب المسلمين

من طرف مسلمه مصريه ولى الفخر 6/3/2008, 5:26 pm

طالبة الجنان كتب:
زيكم يا جماعة وحشتوني جدااااااااااااااااااااااااا
معلش بقي كنت مش بدخل عشان مكنش في نت
المهم انتم عاملين ايه

انا احبكم في ال
له
بصوا بقي علي الي الموقف الي حصل انهارده
انا بقي صحيت الصبح
وانا بقي مخنوقه عشان صاحيه بدري

وكمان عشان هروح الكليه

المهم بقي طلعت من البيت وركبت طفطف انتم عرفينه؟؟؟؟؟؟
ورحت الموقف ولقيت بقي مفيش ولا عربيه خالص
قولت لا حول ولاقوه الا بالله

هو انا نقصه مش كفايه راحه الكليه الصبح بدري كمان

المهم بقي فضلت وقفه
وانا بقي عملاه اتفرج علي الاخوات الي ماشين
والي كمان فيهم لابسين ومش لابسين
الي نسيوا يلبسوا زي الشيخ محمدحسان
ما بيقول
المهم لقيت عربيه بعد طول انتظار

وركبيت
يااااااااااه الحمد لله
المهم بقي كنت ركبه انا واخت وكان لسه مكانين ورا

فلقيت يختي انتي وهي واحد داخل
فبقول له لو سمحت راح علي فين

قال هقعد
قلت له لو سمحت المكان ده مش بيقعد فيه غير اربع اخوات
هتقعد انت فين
المهم بمعني اصح كسفته

ونزل
ولقيت بقي اختين جين وقعدوا جمبي
وقلت الحمد لله

والعربيه مشيت بقي
فانا بقي طلعت شريط بسرعة قبل ما السواق يتهف في دماغه ويشغل اغاني ولا حاجه

طلعت بقي شريط حلو اوي
بتاع الشيخ محمد حسان
الي اسمه
الا رسول الله
ياااااااااااااااه
ما اجمله
فاعطيت الشريط للي ادامي
وقلت له اعطيه للسواق يشغله
المهم وصل الشريط للسواق

عارفين بقي رد قال ايه
قال
التسجيل بايظ مش بيشتغل
قلت قدر الله ما شاء فعل
المهم مش يشغل اغاني
فقليت بقي يا اختي انتي وهي
واحد بيقول ملكوش دعوه انا هشغل لكم علي الموبايل
قلت ربنا يسترها
لقيت بقي مشغل

سورة الرحمن
قلت الحمد لله
ربنا يهديه
فقعدت بقي اسم السورة
وكانت بصوت حلو اوي
للشيخ السديس
وبعد شويه السورة خلصت
قلت استرها يا رب

وحطيت ايدي علي قلبي
ولقيته عمال يبحث
اصل هو كان قاعد ادامي
المهم قلت بقي هيشغل نشيد ولا خطبه ولا سورة تانيه
وفضلت انتظر بقي
لقيته ايه
مشغل اغنيه ومعليها علي الاخر

قلت لاحول ولاقوه الا بالله
حتي كل الي كان في المكرباص بص ليه
الي كان مشغل قران شغل اغاني
لا اله الا الله
المهم انا بقي اتخنقت
ومش قدرت استحمل خالص
قفلت له لو سمحت غير الاغاني
دي
قال لي اوطيها يعني
قلت له بصوت اما تطفيها
او تغيرها لو سمحت

لقيته شغل سورة الرحمن تاني
فااخ الي جمبه قال له تاني سورة الرحمن
قال له ايه يعني
عارفين قله ايه
قله بلاش التزمت ده
يا عم ساعة لربك وساعة لقلبك
انا بقي زعلت علي الكلمهدي اوي
الي هما مش فاهمين معناها
وطبعها مكنتش ينفع اقول لهم معناه الي انتم فهمينه غلط يا جماعه
مش يعني ساعة لقلبك يبقي انا اعصي بيها ربنا
ولاحول ولاقوه الا بالله
قلت امسكي لسانك جوه بقك يا بت
وربنا يهديهم

ايه رايكم بقي في الي حصل انهارده

ربنا يهدي شباب المسلمين

ربنا يهديهم يا رب
ويعطيهم ربى من فضله الهدايه كما هدانا
جزاك الله خيرا يا جنه على اليوميات الجميله
ربنا يبارك فيكى يا حبيبت قلبى
ويرزقك بالزوج الصالح الى يعينك على طاعه الله
وانا معاكى طبعا وكل بنات المسلمين
هههههههههههههههههههههههههه

من طرف مسلمه مصريه ولى الفخر 8/3/2008, 1:53 pm

ازيكم يا حلوااااات
طبعا اليوميات وحشتكم
بس معلش كنت مزنوقه زنقه وحشه اوى فى الكليه
ربنا ما يوريكم يا حبيباتى
المهم نكمل اليوميات
ومعلش على التأخير يا كتاكيتى
المهم زى كل يوم نزلت ............روحت الكليه.................قعدت فى مكان مفهوش ولاد
حفظتم طبعا
هههههههههههههههههههههههه
المهم كنت قاعده جنب اخت منتقبه ما شاء الله
وعمالين نتكلم فى الدين
واحوال الجامعه
ومتمتعين جدا جدا بالحديث.................ولكن الحلو ميكملش
ببص انا والاخت دى لقيت بنت وولد جيين يقعدوا حنبنا
فأنا والاخت قولنا للبنت انتى اقعدى عادى...............لكن الولد مش هينفع علشان احنا بنبين عنينا لما بنكتب ومش هينفع الولد يقعد جنبنا
راحت قلتلنا طيب احنا عايزين نقعد جنب بعض والمكان ده فاضى
قولتلها خلاص عايزه تقعدى معاه روحوا مكان تانى
وانا قولت كده وعنيكم متشفوفش غير النور
يا خرررررررررررررابى يا اختى
حنفيه مايه وفتحتيها.............مايه ايه حرام اشبه المايه بيها..............دى حنفيه زيت عربيات حنفيه جاز مهبب الله المستعان
لقيتها قال ايه يا اختى بصتلى وراحت قيلالى
هو يعنى هيسيب كله ومش هيبص الا على عنيكم
انا مش عارفه انتم مغرورين كده ليه
من جمالكم يعنى
ده انتم نصكم سود وكرت وووووووووو..............مش بقولكم حنفيه جاز بس اسود شويه
الى الله المشتكى
وانا يا ستى يهديكى يرضيكى خراره وفتحتيها
وانا بصراحه بتخنق ومش بستحمل ولسانى ده مبعرفش اسكته جوه بؤى فى الحاجات دى ..........فكرونى اعمله سوسته ههههههههههههههههههههههههه
المهم روحت قولتلها يا بنتى الحكايه مش كده ربنا يسامحك على الى قوليه بس مينفعش اننا نبين عنينا وهو قاعد......ده دين.................وكل واحد حر فى نفسه
قالتلى يعنى ايه يعنى ده دين يعنى انا كافره
قولتلها استغفر الله العظيم استغفرى ربك واستعيذى من الشيطان واهدى شويه
وراحت مفتوحه ليه شايفانى مجنونه ولا لبسنى عفريت ولا لا لا لا لا لا...........الى الله المشتكى
قولتلها يعنى انتى دلواقتى ايه الى يرضيكى ..............قالتلى انه يقعد جنبى
قولتلها وماله خليه يقعد جنبك حقك علينا يا حبيبت قلبى
الاخت الى جنبى استغربت ولسه هتتكلم وازاى يقعد لا يقوم ..............روحت غمزتها كده فى رجلها
وقولتلها خلاص سيبيها ...............براحتهم
وسكتنا ..............دخل الدكتور.............والبنت شغاله هى والولد كلام................لا حول ولا قوه الا بالله................مش عارفين نركز يا نااااااااس
وانا تطفلى هيموتنى هى رميه بؤها فى ودنه بتقوله ايه..............المهم عرفت ترطيش كلام.........وشغاله ده انا بصراحه مرتحالك.............عمرى ما ارتحت لولد كده..................وانا فى سرى يا خربيت كدبك كدابه كدب..................وبصراحه بصراحه انا بحبك................انا بقى لحد كده وقف مش هستحمل اكثر من كده
ورقه اتبعت للدكتور من العبد لله طبعا ههههههههههههههههههههه
يا دكتور لو سمحت فى بنت وولد قاعدين فى البنش الرابع ناحيه اليمين على طرف البنش وبيقولوا كلام لا يجوز يتقال فى محاضره كلام فظيع يا دكتور حتى احنا مش عارفين نركز كمان غير بشاعه الكلام الى بيقولوه
ههههههههههههههههههههههههه
الدكتور شاف الورقه وقراها فى سره............. عرف البنت والولد ..............قومهم............... وبكل جديه تعالى انتى وهو ومعاكم حاجتكم وبره المدرج احنا مش على رصيف الجامعه بره احنا فى المدرج داخل الحرم الجامعى
وانا فى سرى يلا علشان تجيبيه وتقعدى كويس وكمان وصلت للكلام ده..............هو انا قاعده اريال وبتظبطى التردد بتاعه
والاخت الى جنبى بتقولى مين الى بعت الورقه دى..............قولتلها انا
ههههههههههههههههههههههههه
والله يا جماعه انا مش سوسه ولا حاجه.............بس من رأى منكم منكرا فليغيره
وانا مقدرتش اغيره.............اسيب نفسى اوفتن يعنى ولا احافظ على نفسى..............موصلتش للكلام ده فى المدرج
دى محاضره مش ندوه غزل
بس عارفين الى فرسنى ان البنت كدابه كدب
ههههههههههههههههههههههههه
يلا كفايه عليكم كده ومستنيه ردودكم
وانتظروا اليوميات الجديده

من طرف **طالبة الجنان** 8/3/2008, 8:00 pm

لاحول ولاقوه الا بالله
جزاكي ربي كل خير يا مسلمه

شارطه يا بت
بس لو كتي صممتي علي موقفك
او قعديهم وتركتي المكان كان افضل
اسال الله العظيم ان يرد الشباب الي دينه ردا جميلا

من طرف قلب مسلمه 19/3/2008, 8:38 pm

ههههههههههههههههههههههههه

بجد بجد مش معقووووووووووووله

فضلت ورا كل اليوميات لحخد ما خلصتها وانا هموت علي نفسي من الضحك

بجد بجد انتي تحفه والله ودمك خفيف

بقولك ايه ما تيجي معايا يوم الكليه ده انا بكون لوحدي ومخنوقه اوي

ربنا يبارك فيكي والله يا مسلمه ويهدينا ويهدي كل المسلمين

يلاااااااااااااا ما تتأخريش علينا في اليوميات دي مستنيينك

من طرف **طريق الجنه** 20/3/2008, 3:00 am

من طرف مسلمه مصريه ولى الفخر 20/3/2008, 11:27 am

قلب مسلمه كتب:ههههههههههههههههههههههههه

بجد بجد مش معقووووووووووووله

فضلت ورا كل اليوميات لحخد ما خلصتها وانا هموت علي نفسي من الضحك

بجد بجد انتي تحفه والله ودمك خفيف

بقولك ايه ما تيجي معايا يوم الكليه ده انا بكون لوحدي ومخنوقه اوي
انا تحت امرك يا جميل انتى تؤمرى

ربنا يبارك فيكي والله يا مسلمه ويهدينا ويهدي كل المسلمين

يلاااااااااااااا ما تتأخريش علينا في اليوميات دي مستنيينك

جزاكى الله خيرا
وان شاء الله هكمل علطول بس دعواتكم معايا بقى

من طرف مسلمه مصريه ولى الفخر 20/3/2008, 12:15 pm

السلام عليكم ورحمه الله وبركاته
وحشتونى جدا جدا جدا
بقى كده محدش فيكم يسأل عليه
محدش يقول البنت مسلمه فين بقالها قرن ونص مش باينه
ماشى ماشى
احبكم جميعا فى الله
نكمل اليوميات بقى لانى اتأخرت عليكم وفى ناس هتضربنى من التأخير ده
نبدأ بسم الله
كنت نازله الكليه بس كان بعد الظهر كانت محاضره متأخره
وبعدين وصلت على البوابه
اقيت زعيق وضرب وبلاوى
قال ايه الاخوان المسلمين عملين مظاهرات
وانا فى سرى ارجع ولا ادخل؟ ادخل ولا ارجع
قولت يا بنت ادخلى محدش بياخد غير نصيبه
وحتى لو حصلت حاجه هما كلها قفايين واقوله شوف يا ساعاده الظابط انت عايز تتهمنى بايه وانا هعترف
روحت مطلعه الكارنيه ودخلت
ودخلت المدرج لقيت شابين من الاخوان
واقف على الاستادج بتاع المدرج
وعمال يتكلم
واحنا عايزين نشيل البلطجيه دول من هنا ووووووووووووووووو
وانا مش فاهمه حاجه
بقول للبنت الى قعدت جنبها هو فى ايه؟؟؟؟؟؟؟؟؟
قالتلى ده الامن بتاع الكليه ضرب الاخوان المسلمين علشان المشاغبات الى عملنها
والاخوان عايزين يخلونا نمضى على اننا موافقين ان الامن يخرج بره الجامعه
قولتلها ايه العبط ده ازاى يعنى الكليه تبقى من غير امن
المهم يعنى قعد يتكلم كثير كده وفى الاخر ناس قليله جدا الى مضت على كده
وطبعا كل ده بدون فايده لان استحاله يشيلوا الامن
ومرت المحاضره عادى والدكتور فى المحاضره قال يا جماعه الكتاب نزل
وروحوا جوبوه علشان هنشتغل منه المحاضره الجايه
خرجت من المحاضره
روحت اشترى الكتاب
شوفت شابين لا حول ولا قوه الا بالله
لالابسين حاجات غريبه غير تسريحه شعرهم العجيبه
واحد موقف شعره من الجنبين ومنيم الى فى النص والتانى العكس موقف الى فى النص ومنيم الى على الجانبين
ووقفين قدام الراجل بتاع الكتب وشغلين هزار وضحك
طيب وبعدين بقى انا عايزه اجيب الكتاب
قولت يا بنت خليكى واقفه كده وراهم لحد ما يشتروا وانى بعد كده ادخلى اشتريه
فضلت واقفه وهما عاملين يتكلموا
الاول بيقول لصاحبه يا عم انا هشترى الكتاب علشان ننجح بقى انا اخدت ثمنه من ابويا سبعين جنيه
انا فى سرى قولت كويس انى معايا فلوس تكفى
التانى رد عليه وقاله يا عم احنا مبنذكرش مش الكتاب الى هينجحنا
راح الاول قاله اهو برضه نبقى عملنا الى علينه مع انى عارف انه كله فى الكلتشه
الى يعرف معنى كلتشه يقولى علشان هموووووووووت واعرف معناها
التانى قاله لما انت عارف انها كلتشه هتشتريه ليه
الاول رد عليه وقاله ابويا يا عم عملى فيها القبطان البحرى وقالى لما تشترى الكتاب تبقى وريهولى علشان انت بتاخد الفلوس ومبتجبش كتب
التانى قاله ايه ده المفروض فيه ثقه
الاول رد عليه وقاله الله يرحمها يا عم
المهم قعدوا يتكلموا كثير كده وبعدين اشتروا الكتاب ومشيوا
دخلت انا قولتله لو سمحت عايزه الكتاب وكده
الراجل قالى اتفضلى الكتاب بعشرين جنيه
انا طنحت للراجل وطبعا مفيش حاجه بينه
قولتله عشرين جنيه
قالى ايوه
عطيت للراجل وقولت والولد عمال يقول اخد من ابوه سبعين جنيه حق الكتاب
بيكذب على ابوه................يا ريتنى كنت اعرف طنط مامته علشان افتن عليه وهى تفتن لباباه
المهم اخدت الكتاب وروحت
وانا مروحه قابلت واحده جارتنا سلمت عليها وازيك يا طنط وعامله ايه وكويسه والحمد لله وركبنا المواصله مع بعض
جه وقت الدفع وانا احلف وهى تحلف وانا احلف وهى تحلف وفى الاخر تقولى يا بنت يا فولانه عيب انا الكبيره ده انا الى مربياكى
وانا عايزه اقولها ايه التسيح ده المواصله كلها عرفت اسمى
المهم فى الاخر انا صممت انى ادفع
وهى عماله تتكلم معايا وسبحان اله طنط دى فولتات صوتها قويه اوى
المواصله كلها سامعه بتتكلم فى ايه
وعماله تتكلم عن ابنها (اصله ملتزم) ومش عجبها بقى اللحيه وانه مقصر لبسه وكده
وانا عماله اقنع فيها انه صح
وفى الاخر تقولى انتم كلكم دماغكم بايزه كده
المهم يعنى خلص الحوار وساد الصمت فى المكان
وانا قاعده بقى كده والمواصله ماشيه
ببص ناحيه البحر
لقيت الطريق كله
اتنين
اتنين
اتنين
اتنين
قولت مفيش تلات ابدا
عقبالى يا رب لما ابقى اتنين بس فى الحلال طبعا
واتنين واقفين عند كوبرى استانلى كده
وهو حاطط ايده على كتفها
وهى لفه ايدها على ظهره
سبحان الله ايه البنات دى
ده لو جوزها مش هيوقفوا الوقفه المقرفه دى
المهم كانت راكبه معانا بنت بقى من البنات الاستايل دول
بدى ضيق وصغير كده
وبنطلون من الواقعين دول
وهى جايه تنزل ظهرها كله بالى لبساه باين طبعا
ولما نزلت راحت مسقطه البنطلون اكثر
راح السواق مطلع راسه من شباك العربيه
ويقولها وجايه على نفسك ليه ولبساه
ما كنتى نزلتى من غيره يا ختىىىىىىىىىىىىىىى
راحت بصاله ولا كانه بيتكلم عليها وماشيه
يا سبحان الله
ربنا يعافينا ويهدى بنات وشباب المسلمين
ومشى السواق والحمد لله واخيرا وصلت لبتنا
بقول لماما ماما ادينى ورقه وقلم
بتقولى ليه
قولتلها علشان اكتب عنيه شافت كام اثم انهارده
مامات قالتلى لالالالالالالالالالالالالا ورقه وقلم ايه
مش هيكفوا
روحى اشترى علبه اقلام كامله
وكشكول 200 ورقه
يا دوب على القد
هههههههههههههههههههههه
سبحان الله امى حاسه بيه
دخلت لقيت اخويا الكريم قاعد
وبيقولى انتى اتاخرتى ليه؟؟؟؟؟؟؟؟؟؟
قولتله المواصلات وبعدين قبلت طنط مامه الاخ فولان وكنا راجعين مع بعض
قالى ماشى بس بعد كده لما اتصل بيكى تبقى ردى
قولتله انت لو فتحت تقولى فتحتى عليه ليه
لو مردتش تقولى مردتيش ليه
لا حول ولا قوه الا بالله
هما الولاد كده ميعجبهمش العجب
يلا بقى نستحملهم وخلاص هنعمل ايه
هههههههههههههههههههههههههه
المهم بقى بعد اليوم المرهق ده روحت دخلت نمت نوووووووووم عميققققققققققققققققققققققق
ما احلى النوم بصراحه
وكفايه عليكم كده علشان تعبت من الكتابه
وتصبحوا على خير
قصدى السلام عليكم
وانتظروا اليوميات الجديده
ولا تنسونا من دعائكم
جزاكم الله خيرا

من طرف **طالبة الجنان** 20/3/2008, 12:48 pm

جزااااااااااااااااااااااااااكم ربي كل خير يا مسلمه
وتنورتي المنتدي من جديد يا قمر
ايه اليوميات دي كلها
وعماله تحطي ودنك لده ولده
هتتعبي اوي يا مسلمه

اسالي مجربه
ههههههههههههههههه
يلا بقي منتظرين باقي اليوميات
مش تتاخري علينا

من طرف **طريق الجنه** 22/3/2008, 11:23 pm

جزااااااااااااااااااااااااااكم ربي كل خير يا مسلمه
وتنورتي المنتدي من جديد يا قمر

من طرف المحجبه 18/5/2008, 1:42 pm

السلام عليكم ورحمة الله وبركاته
بارك الله فيكم اخواتى جميعا
يوميات رائعه بجد جميله جدا
ومشكله يومياتك يا مسلمه حلوه جدا
وانا عارفه اللى كان بيحصل فى المجمع طبعا ربنا يهديهم مفيش بايدينا غير الدعاء
بس انا الحمد لله ربنا رحمنى منه عقبالك يا جميل يارب
وفى انتظار يومياتكم اخواتى
انا اول يوم اشترك فى المنتدى بس بجد منتدى اكمثر من رائع جعله الله فى ميزان حسناتكم جميعا
ولو كنت لسه فى الكليهخ كنتم حكيتلكوا بس الحمد لله اترحمت

من طرف زوجة مسلم 31/5/2008, 1:01 pm

يوميات جميله قوي
ربنا يبارك فيكي ويرزقك زوج صالح
وعلى فكرة الكلتشة يعني أونطة أو أي كلاااااااااااااام
ههههههههههههه
أختك زوجة مسلم (زوجة د/مسلم ......... وذي ما بيقول :: بتاع هاتتوب إمتى ؟ )
وعلى فكرة دي أول مشاركة ليا عندكم
وبقالك شهرين فين انا شايفه إن آخر مشاركة كانت مارس يعني شهر ثلاثة
ولا زهقتي وقلتي آخدها من قاصيرها وأسكت بقى يا شيخة كمًلي
منتظره بإذن الله

من طرف **طالبة الجنان** 31/5/2008, 7:15 pm

اهلا بيكي يا جميل
وانا اقول المنتدي منور ليه
ربنا يكرمك
ومنورة المنتدي رغم وقوفه المفاجئ

انتي عارفه بقي ولا ايه؟؟؟؟
باين عرفاني صح؟؟؟؟
وبالنسبه لمسلمه هي هتيجي تكمل ولكن الايام دي الامتحانات بقي وانتي عارفه

ربنا يرجعنا بالسلامه
وعليكي بالدعاء بقي لي ولمسلمه ولكل ابناء المسلمين الي بيمتحنوا
وجزاكي الله خيرا

من طرف زوجة مسلم 4/6/2008, 5:26 pm

آمين يارب وإنتي وكل المسلمين
طبعا عارفاكي من أيام الغرفة الصوتية والشيخ يعقوب ربنا يحفظه
طيب فاكرة قلوب خلرج نطاق الخدمة
ههههههههههه
ربنا ينجحكم أنتي وكل المسلمين

من طرف **طالبة الجنان** 11/6/2008, 9:24 pm

ااااااااااااااااااااااااااااااامين
ربنا يكرمك

طبعا فاكره قلوب خارج نطاق الخدمه

جزاكي الله كل خير

من طرف مسلمه مصريه ولى الفخر 11/6/2008, 9:51 pm

انا شايفه ان الناس ابتدت تدخل المنتدى من ورايا
وانا مش هسكت
وهروح ابلغ عنكم
بقى كده محدش يسال عليه ولا اى حاجه
ماااااااااااااااااااشى
بالنسبه للاخت زوجه الاخ مسلم
اهلا وسهلا بيكى
وانا اقول المنتدى نور
ان شاء الله هكمل اليوميات
ده انا حتى عندى حكاوى كثيرررررررررررررره
وانتم عارفين بقى ايام الامتحانات والى بيحصل فيها
ان شاء الله هكملكم
جزاكم الله خيرا
ونفع بكم الاسلام